點解要返教會?信左主一定要返教會嗎?

分享此BTTB

Share on facebook
Share on whatsapp
Share on email

 

#BTTB 之 點解要返教會?信左主一定要返教會嗎?

神唔係要人單單得救,神要的係一個家,係要教會的出現。一個人並唔能夠叫教會,神唔係要「單獨既聖人」,而係要得救的人相愛和相聚在一起,所以神其實好想你返屋企,參加教會聚會㗎!

 

1️⃣我地唔係獨行俠

「兩個人總比一個人好,因為二人勞碌同得美好的果效。 若是跌倒,這人可以扶起他的同伴;若是孤身跌倒,沒有別人扶起他來,這人就有禍了。」‭‭(傳道書‬ ‭4:9-10‬)

.

我地唔係獨行俠,唔係自己一個。當自己一個的時候,好易會有試探、誘惑、軟弱,弟兄姊妹就可以扶起你、幫助你。

.

「你要逃避少年的私慾,同那清心禱告主的人追求公義、信德、仁愛、和平。」(提摩太後書 2:22)

聖經都叫我地要同那清心禱告的人一齊,要有好的同伴,彼此支持。而參加教會聚會就係最直接的方法。在聚會中,我地多見到弟兄姊妹,又可以多同愛主的弟兄姊妹相交、禱告,咁實係最安全啦!當你冇力的時候,弟兄姊妹可以及時幫助你、提醒你、保護你,而你的出現亦都會成為弟兄姊妹的幫助。神比我地係一個家,所以好自然我地需要弟兄姊妹。

 

2️⃣教會聚會有耶和華所命定的福

「看哪,弟兄和睦同居 是何等地善,何等地美! 這好比那貴重的油 澆 在 亞倫 的頭上, 流到鬍鬚,又流到他的衣襟; 又好比 黑門 的甘露降在 錫安山 ; 因為在那裏有耶和華所命定的福, 就是永遠的生命。」(詩篇‬ ‭133:1-3)

.

原來在教會聚會中,有神所命定的福,係自己一個人享受唔到的。貴重的油代表聖靈,從頭流下,代表從主那裡來。參加教會聚會唔單止享受同弟兄姊妹一齊,和睦同居,而更加可以享受到神特別的同在。有兩三個人奉主的名聚會,那裏就有主在他們中間。耶和華所命定的福要係聚會中先得到,只係一個人或參加聚會太少就冇機會享受那所命定的福,而個祝福就係永遠的生命。

 

3️⃣咁我可以得閒就返下,唔得閒就唔返,得唔得?

上面提過返教會咁多幫助同祝福,唔返聚會就蝕抵啦!

.

「你們不可停止聚會,好像那些停止慣了的人,倒要彼此勸勉。既知道那日子臨近,就更當如此。」(希伯來書 10:25)

聖經都有提醒我地唔好停止聚會,因為唔返聚會一次,就會有唔返聚會第二次、第三次,慢慢就會輕視返聚會的寶貴同重要,好似停止慣了的人。所以唔好讓步,要彼此相顧、勸勉。當然有緊急的事就冇辦法,唔好作難。

係疫情下,我地依然穩定有網絡聚會、小組,因為見弟兄姊妹、一齊相交、禱告、認識神係唔會因爲疫情暫停,無論在那裡,都要與那清心禱告主的人追求!

返聚會有咁多寶貴的福份,識得揀梗係揀返聚會啦!

更多

這家陪伴我成長(卓軒)

從小我在教會裡成長,在神家享受充滿愛的表達。當我日漸長大,再回望以往一直在神家裡成長的路程時,就越發現自己身邊一直有許多弟兄姊妹的關心和愛。

一次次的挽回,祂心從沒忘記我(善鈺)

中一的時候,我已經認識主耶穌。在信主的路上,我都很乖巧,我會聽姐姐的話,出席聚會、親近主小組。但直到中五,我便沒有再返聚會,因為我覺得聚會很悶,我沒有享受,聚會中我多數在打瞌睡。那時候,我想在世界找到滿足自己的事物,所以我決定︰要世界,不要主。